Notisia Kòrsou

  • E siman aki, tres sospechoso a keda detené den investigashon Inex 2.0, e investigashon di e robo di droga na warda di polis na òktober 2018.
  • Dia 10 di yüni último, Lisette Chandnani-Poppen a selebrá den presensia di su famia i koleganan su 30 aña den servisio di gobièrnu.
  • Na aña 2020 polis i Ministerio Públiko a bolbe habri un asina yamá “cold case” enkuantu morto di Rayziënne (Raiza) Scoop.
  • Manera Minister di Hustisia, Sr. Quincy Girigorie a primintí ku entrante djabièrnè, 14 di mei 2021 Stuurgroep Elektronisch Toezicht lo start ku un trayekto nobo di supervishon elektróniko ku banchi.
  • Djaweps 20 di aprel, prokurador-general di Ministerio Públiko di Kòrsou, di Sint Maarten i di Boneiru, Saba i Sint Eustatius a keda huramentá.
  • Via medionan sosial a aparesé imagennan gráfiko den kual por a mira kon un hoben bayendo skol tabata wòrdu maltratá dor di un otro. Ministerio Públiko (OM) i Kuerpo Polisial Kòrsou (KPC) a tuma nota di esaki i aktua mesora a base di denunsia ku a wòrdu hasí. Den kuadro di esaki a detené dos hoben menor di edat. Despues ku polis a interogá nan, nan por a bai. E investigashon den e kaso aki ta kontinuá.
  • Buro di Asuntunan Interno (Bureau Interne Zaken) di Kuerpo Polisial di Kòrsou, bou di direkshon di Ministerio Públiko na e momentu aki ta investigando algun amtenar di polis ku ta wòrdu sospecha di a hasi nan mes kulpabel na robo den bibienda òf intento pa hasi esaki, violashon di lei di opio i abuzu di outoridat komo amtenar.
  • Riba petishon di Ministerio Públiko Kòrsou, djarason 24 di febrüari a detené e sospechos J.K. di 36 aña di edat na Hulanda den e investigashon Themis. Ta sospechá J.K. di tabata envolví den un tiroteo konosí na Kòrsou komo e “Hato shooting”.
  • Den kuadro di un investigashon penal ‘Daktari’ relashoná ku malversashon di plaka di gobièrnu ku a tuma lugá na e servisio di asuntunan Veterinario, Landsrecherche Curaçao dia 17 febrüari 2021 a hasi detenshon di e persona A.L di 47 aña komo sospechoso.
  • Riba djaluna 8 di febrüari 2021 a detené R.L. di 40 aña di edat na Kòrsou pa envolvimentu den un supuesto organisashon kriminal. E detenshon ta parti di e investigashon yamá Themis den kual pa mas ku un aña ta investigando e organisashon aki.
  • Otro yamada pa e tep di oro, rekompensa a subi bira 30.000 Florin
  • Na e momentunan aki, pais Kòrsou ta konfrontando problemanan finansiero serio. Na mes momento e moral pa paga impuesto di sierto habitantenan ta laga hopi di deseá. Ministerio Públiko (OM) huntu ku su partnernan ta bai kombatí esaki.
  • Reshèrshi mester di bo yudansa. Bo tin informashon tokante e robo di sentenáres di kilo di kokaina for di warda di polis di Rio Canario den anochi di 13 pa 14 di òktober 2018, e or’ei nos ke drenta den kontakto kubo.