Beslag den investigashonThemis
Riba 30 di ougùstùs 2022, den kuadro di e investigashon kriminal ‘Themis’ (riba órden di Ministerio Públiko), polis a pone beslag riba sinku propiedat na Kòrsou. A pone e beslag den marko di e Investigashon Finansiero Penal ku ta andando kontra di S.Q., kende Ministerio Públiko (OM) ta konsiderá komo un di e lidernan di ‘No Limit Soldiers (NLS)’. Ta sospechá Q. di a dirigí un organisashon kriminal duna órden pa ehekutá vários likidashon, sekuestro, i labamentu di plaka.