Djamars 18 di yüli 2023, RST den koperashon ku Kuerpo Polisial Kòrsou (KPC) i Duana a detené F.R.F. di 37 aña di edat na Kòrsou.

E detenshon a tuma lugá riba órden di Ministerio Públiko. Djis despues di e detenshon, a hasi entrada hudisial na dos bibienda bou di guia di hues komisario. Ta sospechá ku F.R.F. tabata involukrá den eksportashon di kantidatnan grandi di kokaina via di e haf den Schottegat di Kòrsou. E kokaina tabata destiná pa Oropa. F.R.F. a keda enkarselá pa mas investigashon. Anteriormente den e kaso aki, ya a detené tres bewaker ku ta traha den haf i un dockmaster. Tur e hòmbernan aki ta detené ainda. Den e temporada benidero no ta ekskluí mas detenshon.