Djamars 16 di mei 2023, RST den koperashon ku KPC i Duana a detené J.J.J. di 45 aña di edat riba tereno di haf di Schottegat, Kòrsou

E detenshon a tuma lugá riba órden di Ministerio Públiko. Djis despues di e detenshon, a hasi un entrada hudisial na e kas di J.J.J. bou di guia di hues komisario. Ta sospechá ku J.J.J. den su funshon komo bewaker na e haf aki, tabata involukrá den ponementu di kantidatnan grandi di kokaina den un kònteiner ubiká den haf. J.J.J. a keda enkarselá pa mas investigashon. Siman pasá den e kaso aki, a detené R.J.R. di 50 aña di edat ku tambe tabata traha komo bewaker den haf. Pa su partisipashon R.J.R. ta detené ainda. Den e temporada benidero no ta ekskluí mas detenshon.