Djamars 6 di yüni 2023, RST den koperashon ku Kuerpo Polisial Kòrsou (KPC) a detené R.V.A. di 54 aña di edat.
. E detenshon a tuma lugá riba órden di Ministerio Públiko. Djis despues di e detenshon, a hasi un entrada hudisial na e kas di R.V.A. bou di guia di hues komisario. Ta sospechá ku R.V.A. den su funshon di dockmaster den haf na Schottegat, huntu ku otro trahadónan den haf, durante un periodo largu tabata involukrá den ponementu di kantidatnan grandi di kokaina den kònteinernan. E kònteinernan tabata destiná pa Oropa. R.V.A. a keda enkarselá pa mas investigashon. Anteriormente den e kaso aki, a detené J.J.J. di 45 aña di edat i R.J.R. di 50 aña di edat tur dos trahando komo bewaker den haf. J.J.J. i R.J.R. ta detené ainda. Den e temporada benidero no ta ekskluí mas detenshon.
