Ministerio Públiko a yega na areglo ku kasinonan online, suministro di servisio sin kontrolá identidat ta kastigabel
De officier van justitie van het Parket Procureur-Generaal van Curaçao, Sint Maarten en Bonaire, Sint Eustatius en Saba (OM) heeft een twaalftal rechtspersonen, waarvan elke een of meerdere online casino’s exploiteert, een transactie aangeboden ter voorkoming van verdere strafrechtelijke vervolging.
Pa evitá mas persekushon penal, Fiskal di Parkèt di Prokurador General di Kòrsou, Sint Maarten i Boneiru, Sint Eustatius i Saba a ofresé un transakshon na diesdos entidat hurídiko, kada unu operando un òf mas kasino online..
Segun Ministerio Públiko, e kasinonan online no a kontrolá identidat di e hungadónan ora ku nan mester a hasi esaki bou di e regulashonnan vigente na momentu ku e investigashon a tuma lugá. Tur e entidatnan hurídiko a aseptá e oferta di transakshon pero no ta atmití ningun echo òf kulpa den sentido di derecho penal.
Mirando vários señalnan den medionan di komunikashon, pero tambe debí na vários denunsia di echonan kastigabel na nòmber di e “Stichting Belangenbehartiging Gedupeerde Online Kansspelen” (Fundashon pa Protekshon di Víktimanan di Wega di Plaka Online), RST, bou di guia di Tim Sentral di Ministerio Públiko, a investigá diesshete wèpsait di wega di plaka. A ehekutá e investigashon aki bou di e nòmber Nebraska.
Segun Ministerio Públiko, e resultado di e investigashon penal aki ta konfirmá e sospecho ku hungadónan online por a krea un kuenta i despues depositá plaka sin ku a verifiká nan identidat. Miéntras ku kasinonan online tabata obligá pa verifiká e identidat di e hungadónan promé ku drenta den un relashon komersial ku nan.
Un kontrol debido di kliente, ku ta inkluí verifikashon di identidat, ta esensial pa evitá mal uso di wega di plaka pa ku aktividatnan ilegal, manera froude (di identidat) òf labamentu di plaka. Pero tambe pa evitá ku menornan di edat òf adiktonan na wega di plaka ta usa e servisio di kasinonan online.
Ministerio Públiko ta mira vários motibu pa regla e kasonan ku un transakshon. Komo ku e kasonan ta trata di entidatnan hurídiko sospechoso, no ta opvio ku korte penal lo imponé otro kastigu ku no ta un but si eventualmente hañá nan kulpabel. Ademas, esaki ta e promé biaha ku ta responsabilisá e sektor di wega di plaka pa su obligashonnan ku ta surgi for di e Ordenansa Nashonal riba Identifikashon den Prestashon di Servisio (Landsverordening identificatie bij dienstverlening).
Komo resultado di e transakshon aki, kada entidat hurídiko, pa kada kasino operá online, a paga un but na Pais Kòrsou di XCG 22.500,. Esaki ta trese e suma total di butnan pagá na XCG 382.500. Un entidat hurídiko no a paga e but apesar di e kondishonnan di e akuerdo di areglo. Komo resultado, e areglo entre Ministerio Públiko i e entidat hurídiko aki lo kaduká. Lo sita e entidat hurídiko pa presentá den Korte di Hustisia.
Publikashon di e komunikado aki ta parti di e transakshon.