OM i polis ta atende kaso di maltrato i kaso di imagen inapropia
Via medionan sosial a aparesé imagennan gráfiko den kual por a mira kon un hoben bayendo skol tabata wòrdu maltratá dor di un otro. Ministerio Públiko (OM) i Kuerpo Polisial Kòrsou (KPC) a tuma nota di esaki i aktua mesora a base di denunsia ku a wòrdu hasí. Den kuadro di esaki a detené dos hoben menor di edat. Despues ku polis a interogá nan, nan por a bai. E investigashon den e kaso aki ta kontinuá.