Den luna de desèmber, ofisina di Paga bo But lo bai intensivá kontròl na aeropuerto pa loke ta trata persona nan ku tin but habrí. Esaki ta nifiká ku si bo tin un but habri mester paga esaki promé ku bo biahe pa eksterior.

Pa fasilitá esaki, den luna di desèmber ofisina di Paga bo But lo ta habrí èkstra adaptá djaweps awor dia 2 di desèmber di 7.30 ‘or te 11.30 ‘or di mainta, i di 1.30 ‘or di merdia di 8 ‘or di anochi. Djasabra 4 di desèmber ofisina lo ta habrí di 8 ‘or pa 12 ‘or di merdia. Habri aña nobo sin debe, pasa paga bo but!

Djárason 15 di desèmber 2021 próksimo, Korte lo trata e ‘verkeerszitting’ mensual, den kual esnan ku a haña but den e último luna ta haña oportunidat pa defendé nan kaso, si no ta di akuerdo ku e but risibí. Si bo no paga bo but promé ku 14 di desèmber bo ta kore riesgo ku den Korte e montante di but ta subi. Ministerio Públiko (OM) Kòrsou ta invitá tur outomobilista ku a haña but, ku ta bai ser tratá dia 15 di desèmber 2021, pa bin paga e but promé ku djámars 14 di desèmber 2021 pa di e forma aki evitá ku e but ta bira mas haltu. Pues, último fecha di pago ta 14 di desèmber 2021. Pa e butnan aki, no por hasi un areglo di pago. Esaki ta posibel solamente después di e fecha di Korte. 

Ofisina di Paga Bo But ta situá na Waaigat, p’ariba di ofisina di Curoil riba Abraham Chumaceiro Bulevar 11. Por hasi pago tambe online via bo banko riba kuenta di MCB 23329801. Ministerio Públiko ta konsehá kada persona ku tin but habrí, pasa paga e transakshon promé ku e kaso bai Korte i evitá ku e but ta subi. Si akaso a haña un but pa dokumentonan di auto, por favor tuma kontakto ku paga bo but prome ku hasi e pago. Po sigui nos tambe riba Facebook: Paga bo But. Por haña mas informashon tambe via Whatsapp: +59994342120 of +59994342146.