Duana BES (Duana), Marechosé (KMar), Kuerpo Polisial Hulanda Karibense (KPCN), Gezaghèber di e Entidatnan Públiko i Ministerio Públiko BES (OM) a formulá un maneho nobo pa e manera ku ta atendé importashon, transporte, eksportashon i tránsito di arma di airsoft-/paintball, skòpèt di airu, arko i chincha. Ta popular ku e tipo di artefaktonan aki ta keda importá na islanan BES tur di individuonan partikular.

Armanan di airsoft-/paintball i armanan di airu ta wòrdu usá rònt mundu pa hòbi i deporte. Sinembargo e armanan aki ta aparentá meskos ku un arma di kandela di bèrdat. Banda di esaki, un skòpèt di airu por ehèmpel por wòrdu di spùit fásil pa parse unu di bèrdat. Tin asta ehèmpel kaminda atrakadónan a usa skopèt di awa pa tira atrako.

A base di órden públiko i konsiderashon di seguridat, kombiná ku e eskala chikí di e islanan BES, OM ta konsiderá armanan di airsoft-/paintball i armanan di airu, “artefaktonan apropiá pa menasa òf kasi menasa”. Ku esaki , importashon, eksportashon, tránsito,i transporte i poseshon di armanan aki, ta prohibí. Esaki ta konta tambe pa piesa di e armanan aki. Bou di kondishonnan estrikto, Gezaghèber por duna dispensashon pa esaki.  Mester presentá e dokumentu original na Duana/KMar na frontera. Si no por presentá un eksonerashon òf apoderashon, e artefakto ta keda konfiská.

Por haña e maneho di instrukshon importashon, transporte, eksportashon i tránsito di arma di kandela via e link athunto:

https://www.openbaarministerie.org/_flysystem/media/instructie-beleid-inzake-invoer-vervoer-uitvoer-en-doorvoer-vuurwapens-van-bonaire-sint-eustatius-en-saba-bes.pdf