Durante kambio di aña un insidente a tuma lugá na un establesimentu di horeka na Saba kaminda un agente polisial di KPCN a saka su arma di servisio reglamentario.

Un empleado di KMar ku tabata tei presente, tambe tabata involukrá den e insidente i a usa violensia. Ministerio Públiko a tuma nota ku e insidente aki a kousa hopi konmoshon den komunidat di Saba i riba medionan sosial.

Ministerio Públiko a disidí, pa bou di un fiskal pa hasi un investigashon penal na echonan ku a kondusí na uso di violensia dor di e trahadónan di KPCN i KMar. Manera ta kustumber, semper ta investigá uso di violensia dor di ámtenar i ta evaluá esaki kontra di reglanan vigente. Entretantu, e investigashonnan aki ta andando dor di Bureau Interne Zaken di respektivamente KPCN i KMar. Seguidamente, Ministerio Públiko lo evaluá resultado di esaki.  

Promé ku saka konklushon tokante e insidente aki, lo hasi máksimo esfuerso pa akumulá tur echonan tokante di e insidente aki. Ora ku e investigashon terminá i ku por saka konklushon, lo duna mas informashon