Buro di Asuntunan Interno (Bureau Interne Zaken) di Kuerpo Polisial di Kòrsou, bou di direkshon di Ministerio Públiko na e momentu aki ta investigando algun amtenar di polis ku ta wòrdu sospecha di a hasi nan mes kulpabel na robo den bibienda òf intento pa hasi esaki, violashon di lei di opio i abuzu di outoridat komo amtenar. Den e investigashon ku ta karga e nòmber Outpost a pidi kustodia pa 4 sospechosonan ku ta será ainda.

Awe a trata demanda di kustodia i hues-komisario a skucha e sospechosonan. Hues-komisario a asigná e demanda de kustodia, loke ta nifiká ku e aresto preventivo di e 4 sospechosonan aki ta keda prolongá ku 8 dia.

E sospechosonan ta den restrikshonnan i por tin kontakto solamente ku nan abogado. E investigashon ta kontinuá i na e momentonan aki lo no duna mas informashon di esaki.