Progreso di investigashon den kaso di asesinato di Saba
E dos sospechosonan detené den e kaso di asesinato na Saba lo keda 60 dia mas den detenshon preventivo.
E wes komisario a disidí esaki dia 7 di òktober 2025, durante un oudiensia di porta será.
Ounke e investigashon polisial riba e asesinato di 12 di sèptèmber na Upper Mountain Road ta andando ainda, hues ta di opinion ku tin sufisiente sospecho pa prolongá e detenshon preventivo di ámbos sospechoso.
Dia 4 di desèmber 2025 e promé oudiensia públiko lo tuma lugá, na Korte di Promé Instansia na Boneiru.
Durante e oudiensia aki, hues lo no atendé ainda e kaso di asesinato den su kontenido, komo ku ta antisipá ku e investigashon polisial lo no ta kla ainda.
Durante e asina yamá seshon di korte pro forma, fiskal lo splika entre otro e status di e investigashon di polis.
Tambe hues lo rekonsiderá si e sospechosonan mester keda mas largu den detenshon preventivo.
Den konsulta ku Korte di Promé Instansia, lo establesé un link di video bibu na Korte di Saba pa asina famia di e defuntu, famia, amigunan, i otro interesadonan por sigui e oudiensia dia 4 di desèmber 2025.
E oudiensia ta programá pa 10:00 a.m. i ta antisipá ku e lo dura un ora.