Òrdu pa listramentu preventivo i vigilansia di kamara durante Regatta 2026
Preparashonnan pa Regatta 2026 a kuminsa. Pa sigurá ku e selebrashonnan ta kana di un manera agradabel i seif pa un i tur, Fiskal Mayó di Ministerio Públiko BES a emití un òrdu pa listramentu preventivo.
E òrdu ta outorisá polis pa den un área spesífikamente designá, kontrolá kualke hende pa poseshon di arma. Alabes polis por kontrolá riba paña, den tas i ekipahe. Por hasi kontròl tambe den tur medio di transporte manera outo, motosaikel i skuter ku ta trafiká den e área. Aplikashon di e òrdu aki no ta rekerí ningun sospecho òf kousa spesífiko.
Koperashon ku un kontròl asina ta obligatorio. Fayo pa kumpli ku esaki ta un echo kastigabel i lo resultá den aresto i persekushon.
E òrdu ta bálido den Playa (centrumgebied) i den barionan di Tera Kora, Den Tera i Nòrt Saliña, manera spesifiká den e òrdu i ta kore for di 11 di oktober 2026, te ku i inkluso 18 di oktober 2026, i kada bes for di 6 ‘or di atardi te ku 6 ‘or di e siguiente mainta.
Banda di esaki, gezghèber di Boneiru a emití un instrukshon di vigilansia di kamara. Esaki ta nifiká ku de e área indiká lo bai tin vigilansia di kamara.
E medida aki ta kuadra den e aserkamentu fuerte i integral di poseshon di arma (di kandela) ilegal. Tur hende ku keda gará ku un arma di kandela por spera akshon estrikto.