Elekshon Boneiru 2023
Dia 15 di mart próksimo lo tin elekshon di konseho insular i kolegio elektoral. Elekshon liber i hustu ta base di nos estado di derechi demokrátiko i pa e motibu aki hopi importante pa habitantenan di Hulanda Karibense.
Kon elekshonnan mester kana ta reglá den e lèi elektoral. Den e lèi aki tin skibí lokual no ta permití rondó di elekshon i kua ta e sanshonnan pa echonan kastigabel.