A emití ordu di listramentu preventivo
Resientemente gezaghèber di Boneiru a designá na dos area, unu na Rincon i otro na Playa komo áreanan di seguridat di riesgo haltu. Lo vigilá e areanan aki ku kamara durante e periodo di Dia di Rincon.
Pa e áreanan aki, Fiskal mayó di Ministerio Públiko a emití un òrdu di listramentu preventivo basá riba e Lei di Arma di Kandela BES. Esaki ta nifiká ku polisnan den e áreanan aki por listra hende su paña, vehíkulo, i nan tas òf ekipahe sin un motibu spesífiko. Tur hende ta obligá pa kopera ku un buskeda di polis. Inkumplimentu ku e obligashon aki ta un hecho kastigabel.
E òrdu di listramentu preventivo ta bálido di 27 di mart 2026, te ku 29 di mart 2026, i lo tuma lugá di 6 ‘or di anochi pa 6 ‘or di mainta.
KPCN i Ministerio Públiko lo enforsá estriktamente na momentu di violashon di òrdu públiko i otro hechonan kastigabel ku ta menasá seguridat di Karnaval. Di e forma aki KPCN i Ministerio Públiko ke garantisá di un manera proaktivo un Dia di Rincon festivo i sigur pa un i tur.
Nos ta desea un i tur un feliz Dia di Rincon.