Openbaar Ministerie-Curacao-Sint Maarten-BES Islands
Kòrsou
Poseshon di pepper spray òf gas lakrimógeno den blèki sea na kas of riba kaya públiko no ta permití. E supstanshanan aki ta kai bou di e Ordenansa di Arma di Kandela 1930, konkretamente un arma destiná pa "sprèit gasnan tóksiko, sofokante òf ku ta hasi indefenso". Den ártikulo 1 di e Ordenansa di Arma di Kandela ta trata e tipo di armanan aki dje mes manera ku armanan di kandela. E kondena máksimo ku por ser imponé pa esaki ta kuater aña.
Trata di hende ta un delito serio i ta un violashon grave di e derechonan humano. Eksplotashon ta sentral denter di e konsepto aki i e sirkunstanshanan ku e víktimanan di trata di hende ta haña nan mes aden ta generalmente chokante. Eksplotashon di hende ta sosodé den diferente variante i sektornan. E variante mas konosí ta eksplotashon den e sektor di prostitushon. Víktimanan, generalmente hende muhé, hopi biaha ta wòrdu saká for di un otro pais bou di promesanan falsu.
Hòbennan ta nos futuro. E hòbennan di awor ta e adultonan di mañan. Adultonan – te ku un sierto punto - tin influensha riba e desaroyo di hòbennan. E influensha ei ta un responsabilidat ku henter komunidat mester ta konsiente di dje. Derecho penal por solamente kontribuí parsialmente den e fomento di e desaroyo di hòbennan.
Atrakonan tin un impakto enorme riba víktimanan i nan ambiente i ta soru pa un sentimento grave di insiguridat. Atrakadónan por lo tanto por konta riba kondenanan pisá. Ministerio Públiko i polis ta traha den estrecho kolaborashon ku otro pa redusí e kantidat di atrakonan. Negoshantenan tin un papel importante den prevenshon di atrakonan (dor di pone vigilansia i/òf vigilansia ku kámera). Siudadanonan ta yuda den solushoná atrakonan.
Violensia relashonal ta violensia komete den relashonan amoroso i den seno famiar te den terser grado. E tema tin atenshon spesial di Ministerio publiko desde 2004. Na 2010 a adapta e instrukshon i na 2017 esaki a haña atenshon spesial komo un instrukshon pa BES, Sint Maarten i Korsou. Minsiterio Publiko ta persigui tur kaso di violensia relasonal
