Openbaar Ministerie-Curacao-Sint Maarten-BES Islands

St. Maarten

Sint Maarten ta hopi atraktivo pa estranheronan. Diariamente estranheronan ta drenta e pais di manera legal i ilegal. Un grupo di e hendenan ei ta disparsé den ilegalidat. Un otro grupo ta purba di sali di manera ilegal - i no rara bes masha peligroso – for di e pais pa asina purba di traha un bida nobo un otro kaminda. 

E konsekuenshanan di e oumento ilegal di poblashon ta diverso: desempleo ta oumentá, infraestruktura ta sufri bou di e oumento di usadó, salubridat públiko no ta sufisiente (pasó e ta ekipá pa un sierto kantidat di habitante) , tin insufisiente enseñansa, kriminalidat ta oumentá, kual tin un efekto negativo  riba turismo etc. Hendenan ku estadía ilegal lo bira víktima mas lihé di eksplotashon, ku simpelmente  ta desemboká den trata di hende.

Riba 20 di yüni 2011 un Memorandum of Understanding (MOU) a wòrdu firmá dor di Ministernan di Hustisia di Ulanda, Aruba, Kòrsou i Sint Maarten.

Den e MOU a establesé e kompromiso ku kòntròlnan dirigí ta tuma lugá pa ku señalnan di trata i trafikashon di hende, tantu pa e prosesonan di kòntròl di frontera i di atmishon komo pa e sektornan vulnerabel, manera prostitushon, servisio, konstrukshon, supermerkado, pakusnan ku ta bende  merkansia luho i hóreka. E kòntròlnan aki ta tuma lugá dor di timnan multidisiplinario, ku ta konsistí di personal di e servisio ku ta responsabel pa kòntròl di frontera, salubridat públiko, inspekshon di trabou.

BES-01
BES-04
BES-02
Tempel 261012 007.jpg
Tempel 261012 008.jpg