Openbaar Ministerie-Curacao-Sint Maarten-BES Islands

St. Maarten

Violensha denter di e ambiente relashonal ta un problema ku desafortunadamente ta pasa na gran eskala, pero ku generalmente ta keda skondí. Hopi biaha ta indiká e fenómeno aki ku e término “violensia doméstiko”, pero en realidat esaki ta muchu limitá, mirando ku e ta duna e impreshon ku e violensia ta limitá na personanan ku ta biba huntu den e mesun kas.

Den violensia relashonal ta trata generalmente (pero no semper) di violensha físko i/òf seksual, akompañá of no dor di daño di biénes, kaminda e malhechor i e víktima ta pariente di sanger òf via di kasamentu òf ku nan tin un relashon amoroso (ekstramarital) ku otro òf ku nan tin of tabata tin un relashon amoroso ku un mitar di un pareha kasá i/òf ku ta amigu/a (di kas) di otro. Violensia relashonal por ekspresá su mes den menasa i “stalking”. Violensia relashonal por tuma lugá tur kaminda i no ta limitá su mes na un hòmber ku ta maltratá si partner femeninan i/òf su yunan. Wèl ta asina ku víktimanan di violensia relashonal den mayoría di kaso ta hende muhé i mucha, pero e ta toka hende hòmber, mayornan i hende grandi (ansianonan). Ta den masha poko kaso víktimanan ta hasi denunsia. Un parti di nan no tin kurashi pa hasi denunsia òf nan ta asumí ku polis i hustisia lo no hasi nada ku e denunsia.

Pa basta tempu kaba violensia relashonal tin atenshon partikular di Ministerio Públiko. En prinsipio, Ministerio Públiko semper ta persiguí kasonan ku por wòrdu probá. Na 2010 un a keda kla ku ta konsiderá mucha tambe komo víktima ora ku nan ta testigu di violensia relashonal.

Tempel 261012 006.jpg
Tempel 261012 007.jpg
Tempel 261012 010.jpg
Tempel 261012 011.jpg
SXM-06