Openbaar Ministerie-Curacao-Sint Maarten-BES Islands

St. Maarten

Pa hasi tráfiko mas seif, polis ta hasi kòntròlnan regularmente. Manera pa duna but pa kore sin rèibewèis, kore dor di lus korá, kore sin faha di seguridat, i yama na telefòn sin set di ‘hands free’ i  kòntròlnan pa velosidat.

Kontrolá pa poseshon di un karchi di inspekshon tambe ta kai bou di esaki. Di e manera aki, ta stimulá kada doño di kada vehíkulo pa bai laga su outo ser kontrolá dor di Keuringslokaal kada dos aña pa seguridat den tráfiko.

Kòntròlnan di tráfiko no ta wòrdu hasí solamente pa prevenshon di aksidentenan. Polis ta kontrolá regularmente tambe pa poseshon di prueba di seguro i prueba di pago di impuesto. Si kada partisipante den tráfiko sigurá su outo bon, tur eventual daño den un aksidente por wòrdu regal mas fasil. Pa e impuesto ta konta ku e mester wòrdu pagá pa e poseshon di un outo.

Anualmente polis ta duna un gran kantidat di but.

Pagamentu di but di tráfiko ta tuma lugá na Receiver’s Office. Si akaso e but no wòrdu pagá na ora, ta invitá’bo pa paresé den korte. E ora i fecha di e seshon den korte ta indiká riba e but kaba. 

Durante di e seshon den korte di tráfiko, e hues lo puntra e sospechoso un par di pregunta formal, manera: abo ta esun pa kende nan a skibi e but. Despues e sospechoso ta wòrdu informá ku e no tin obligashon di respondé niun pregunta. Despues e hues ta hasi algun pregunta i e sospechoso ta haña e oportunidat pa duna un splikashon.  

E fiskal ta haña un chèns pa duna su opinion i e ta formulá su èis.

Alfin e hues ta tuma un desishon den forma di un sentensia. E sentensia por ta:

  1. Apsolushon (vrijspraak), òf
  2. Ser hañá kulpabel sin duna un kondena; 
  3. Un multa i/òf detenshon (supsidiario).

Generalment e hues ta oumentá e but i ta dikta un detenshon supsidiario tambe. Si no paga e bu, por ehekutá e detenshon supsidiario. Den e sentensia di e hues bo ta haña 1 dia di enkarselashon pa kada NAF 50,- di but sentensiá. Un NAF 300,- kemen ku si keda sin paga e montante, lo por sinta un sentensia di detenshon supsidiario di 6 dia.

For di yanuari 2013 Ministerio Públiko a empleá un deurwaarder penal. E deurwaarder penal lo wòrdu implementá aktivamente pa ehekutá butnan. Ministerio Públiko ta konsehá un i tur pa paga butnan na ora na

Receiver’s Office. Si keda sin paga na ora, bo ta riska e ehekushon di un detenshon supsidiario.

Tempel 261012 009.jpg
BES-09
SXM-04
Tempel 261012 011.jpg
BES-01