Openbaar Ministerie-Curacao-Sint Maarten-BES Islands

Organisashon

Riba 17 di desèmber 1865, Abraham Jesurun a pone e promé piedra na nòmber di e komunidat Hudiu pa e konstrukshon di e tempel Emanu-él, ku a ser inougurá riba 12 di sèptember 1867.

E konstrukshon di e tèmpel a bira nesesarion despues ku e Kominudat Ulandes Reformá Israelítiko Emanu-él a parti for di e komunidat òrtodòks Mikvé Israel den1864. E kas di orashon a wòrdu yamá “Tempel” pa asina por diferenshé for di “Snoa”.

Pa e konstrukshon di Tempel, gobierno a duna un pida tereno di 2.000 meter kuadrá pariba di Statèis. Nan tabata yama e area “Fo’i Porta”. Tabata un tereno desordená ku un santana neglishá i serunan di shushi ilegal. E la bira un ‘prime spot’ ku un nòmber nobo: e ”Plenchi di Pietermaai”.

Den 1963 un re-unifikashon di e dos komunidatnan di hudiunan sefárdiko a tuma lugá. Ku esaki e Komunidat Uní Ulandes-Portugues Mikvé Israël-Emanu-él a bira un echo den 1963. Riba 9 di ougùstùs 1963 e último servisio den Tèmpel. For di e momentu ei, Tèmpel a pèrde su funshon komo snoa.

E edifisio a para bashí kasi 14 aña despues di esaki. Pa un temporada e la fungi komo teater di sine ku un bar den e bodega. Den 1989, e komunidat Hudiu a bende e edifisio i un par di aña despues Eilandgebied di Kòrsou a kumpra e èks snoa komo parti di un akuerdo ku e kadena di hotel Van der Valk.

Finalmente, a entregá e edifisio di Tempel na Stichting Monumentenzorg Curaçao bou di kondishon ku despues di e restourashon, e Parkèt di fiskalnan di Ministerio Públiko lo domisiliá den e edifisio eiden. Esaki a bira un echo riba 14 di ougùstùs 1999.

Tempel 261012 006.jpg
Tempel 261012 007.jpg
SXM-02
SXM-04
SXM-03