Openbaar Ministerie-Curacao-Sint Maarten-BES Islands

Organisashon

For di 1861 prokurador general i su parkèt ta domisiliá den Statèis, kaminda Korte di Hustisia tambe ta. Den e aña ei Abraham de Rouville tabata e Prokurador di Rèi (esaki tabata e nòmber original pa e puesto di Prokurador General). De Rouville den e puesto ei tabata miembro di e Konseho Kolonial tambe. Un elemento sekundario tabata ku e tabata miembro di e lozji “De Vergenoeging”, ku tabata e doño original di e edifisio na Wilhelminaplein 14-16. E Parkèt di Prokurador General tabata domisiliá den Statèis pa 150 aña. Na desèmber di 2011 esaki a yega na su final i e Parkèt a muda bai e edifisio monumental di e Lozji “De Vergenoeging” na Wilhelminaplein 14-16. E edifisio – meskos ku Tempel Emanuel banda di dje, kaminda e Parkèt di Fiskal Mayó ta establesé – ta konstruí riba un santana.

E ponemente di e promé pieda di e Tèmpel di tur Tèmpel – manera a yam'é pa e okashon ei dor di un di e miembronan di de Vergenoeging, señor J.J. Naar den su diskurso – a tuma lugá 18 di òktober 1868 mitar di tres di atardi. Mas ku ocho luna despues di e promé ponementu di piedra, e abertura di e edifisio di lozji a truma lugá.

Mas ku 100 aña despues di e promé ponementu di piedra, e edifisio a wòrdu bendé na Bank of America. Lozji tabata tin mag di hasi uso di Tempel Emanu-él ku despues di e re-unifikashon di ambos komunidat Hudiu riba e isla, no tabata fungi mas komo Tempel Hudiu. Riba 14 di desèmber 1983, Bank of America a bende ez edifisio ku First National Bank of Boston. Seis aña despues, a bende e edifisio atrobe, esta Mc Laughlin Bank NV.

Riba 30 di dèsèmber 2003 e edifisio a kambia di doño un biaha mas. Despues di un renovashon ekstenso, e abertura ofisial di e kompania di seguro Inter Assure a tuma lugá riba 27 di yanüari 2005. Den ougùstùs di 2009 Antiyas Hulandes a kumpra e edifisio for di Intern Assure na fabor di Parkèt di Prokurador General. Tantu Korte di Hustisia komo e Parkèt di Prokurador General ta tin mester di mas espasop dor di ampliashon di nan personal. Por lo tantu Statèis tabata muchu chikí. Na fin di 2011, seis aña despues di e abertura ofisial di Interassure, e abertura ofisial di e edifisio komo sede di Parkèt di Prokurador General a tuma lugá.

BES-05
BES-02
Tempel 261012 004.jpg
BES-06
BES-08