Openbaar Ministerie-Curacao-Sint Maarten-BES Islands

FAQ

Belangrijke afkortingen binnen het OM Curacao

Wilt u ons beter leren kennen?
Dit zijn de belangrijke afkortingen die wij vaak binnen het Openbaar Ministerie gebruiken:
WSrC (Wetboek van Strafrecht Curaçao)
BES (Bonaire, Sint Eustatius en Saba)
GEA (Gerecht in Eerste Aanleg)
GemHof (Gemeenschappelijk Hof van Justitie)
NFI (Nederlands Forensische Instituut)
OM (Openbaar Ministerie)
OPV (Oproepingsproces-verbaal)
PG (Procureur-Generaal)
AG (Advocaat-Generaal)
HovJ (Hoofdofficier van Justitie)
OvJ (Officier van Justitie)
RC (Rechter-commissaris)
RG (Relationeel Geweld)
RHV (Rechtshulpverzoek)
TOD (Technische Opsporingsdienst)
WVV-C (Wegenverkeersverordening Curaçao)
XTC (Ecstacy – straatnaam voor MDMA, synthetisch hallucinerend middel)
TBS (terbeschikkingstelling)
RAIO (Rechterlijke Ambtenaar in Opleinding)
KMar (Koninklijke Marechaussee)
HvB (Huis van Bewaring)
GVO (Gerechterlijk Vooronderzoek)
WIM (Wet Internationale Misdrijven)
RC (Rechter Commissaris)
AVAS (Afwezigheid van alle schuld)
VI (Voorwaardelijke Invrijheidstelling)
ET (Electronisch Toezicht oftewel enkelband)

Kiko OM ta hasi?

Kiko OM ta hasi?
Kiko Ministerio Públiko ta hasi presis? Ministerio Públiko ta un organisashon ku den nòmber di Gobiernu ta enkargá ku mantenshon di órden penal. Tur lokual OM ta hasi, i tin mag di hasi, ta ser deskribí den Lèi di Estado di Ministerionan Públiko.

Por repartí e tarea prinsipal di OM den tres mas chikí: e rastreo di echonan kastigabel, e persekushon di echonan kastigabel i supervishon di e realisashon i e ehekushon di verediktonan.

Fiskal ta disidí si un sospechoso mester parse dilanti hues penal i tambe pa kua echonan kastigabel. Si e kaso bai hues den nòmber  di Ministerio Públiko, e ora ei e sospechoso ta parse dilanti di e hues den promé instansha.

Un sospechoso òf Ministerio Públiko por apelá si akaso e sospechoso òf OM no ta di akuerdo ku e veredikto di e hues den promé instansha.

Prokurador General, òf den su nòmber Abogado General ta representá Ministerio Públiko den apelashon.  E Abogado General i e Prokurador General  ta traha na parkèt di Prokurador General.

Dikon Fiskal ta bisti toga?

Dikon Fiskal ta bisti toga?
Huesnan, Fiskalnan, grefirnan i abogadonan tur ta bisti un toga pretu i un krag blanku den sala di korte durante di seshonnan di korte. Bistimentu di toga ta data, segun istoriadornan, di e periodo di emperador Napoleon ku a preskribí minusiosamente den su leinan i dekretonan, kon e ámtenarnan hudisial i abogadonan mester bisti.
E toga ta sirbi pa evitá distinshon den paña, símbolonan religioso i desendensia. Kada fiskal, hues i abogado ta bisti e toga, pa asina no faboresé ni perhudiká un parti den un proseso dor di e kalidat di e pañanan di e fiskal, hues òf abogado òf por ehèmpel e ekspreshon di kerensia dor di un di e personanan aki. Tur ta igual pa ku aparensia . No a skohe e kolónan blanku i pretu sin rason. Pretu ta e símbolo di rechaso di vanidat; e koló blanku di e krag ta para pa neutralidat.

Kiko ta un sepot of seponé?

Kiko ta un sepot of seponé?
Un sepot ta desishon di Ministerio Públiko pa no persiguí un echo kastigabel. A base di e asina yamá prinsipio di oportunidat (opportuniteitsbeginsel), Ministerio Públiko por, pa vários rason, disidí di no persiguí un sospechoso.
Hopi biaha ta skohe pa seponé un kaso ora ta konserní sierto delitonan mas chikí. Ta posibel tambe ku no tin sufisiente prueba ku ta buta ku ta sese e persekushon.  
Tambe por otorgá un sepot bou di sierto kondishon. Asina ei ta spera di por wanta e outor for di komportashon similar den futuro. Den e kaso ei ta papia di un sepot kondishonal.
Si akaso un persona no ta di akuerdo ku un desishon di un sepot, e por disputá esaki. Na Kòrsou esei ta reglá den Artíkulo 15 di e Kódigo di Enhuisiamentu Penal di Antia Hulandes. Den e kaso aki, por entregá un keho na Korte di Hustisia Komun. Si Korte Komún deklará ku e keho ta hustifiká, Ministerio Públiko aun mester bai ofer pa persekushon.
Un sepot no mester ke men e final di un persekushon penal, es desir no ta un veredikto final di un hues. Ministerio Públiko aun por bai ofer pa persekushon, sigun asina leu ku enhuisiamentu penal ta atmisibel.

Kiko ta e tarea di un fiskal?

Kiko ta e tarea di un fiskal?

Un fiskal ta enkargá ku e rastreo i persekushon di echonan kastigabel. E ta dagfar sospechoso i ta fungi komo fiskal den sala di korte.
Na momento ku un echo kastigabel keda kometé, polis ta investigá esaki. E responsabilidat final di e rastreo sinembargo ta kai riba Ministerio Públiko i un Fiskal ku ta enkargá ku e kaso. Pa ku esei, e fiskal ta vigilá si e rastreo ta kana metikulosamente i segun lèi. Ora e kaso ta kla, Fiskal por skohe pa trese e kaso dilanti di hues. Ministerio Públiko ta sòru pa e sospechoso haña un dagfar. Un dagfar ta un karta den kual tin skibí di kiko ta sospechá e sospechoso.

Den sala di korte e Fiskal ta e demandante públiko. Esaki ta nifiká ku den nòmber di gobièrnu i ta pone e sospechoso den estado di akusashon. Den sala di korte e fiskal semper ta bistí den un toga pretu ku un krag blanku. E toga aki ta sirbi pa prevení distinshon den paña, símbolonan religioso i desendensia.

Durante di e seshon di korte, e fiskal ta konta pa kiko e persona mester a parse dilanti di hues. Despues e hues ta interogá e sospechoso tokante di e kaso. E fiskal tambe ta haña oportunidat pa hasi pregunta, meskos ku tambe e abogado di e sospechoso. Djei e fiskal ta tene su rekisitorio. Esaki ta un disertashon kaminda e ta bisa e hues kiko e ta haña di e kaso i kaminda ku e ta demandá un kastigu. Esei por ta un straf di sèn, un kondena di trabou òf un kastigu di prizòn. E fiskal por demandá ku un medida wòrdu imponé (por ehèmpel  TBS). Por pasa tambe ku e fiskal, durante di e seshon, disidí di demandá apsolushon. Finalmente ta e hues ku ta disidí si e persona mester haña un kondena  i si ta asina ki tipo di kondena ta duna.

Kiko un Abogado General ta hasi?

Kiko un Abogado General ta hasi?

Abogado General en general tin tres tarea:
- Tratamentu di kasonan den apelashon
- Suministrá un kontribushon na e kalidat
- Suministrá un kontribushon na e polítika.

Den un estado di derecho, sospechosonan i Ministerio Públiko tin e derechi di trese un kaso dilanti di un hues mas haltu si nan no ta di akuerdo ku e promé veredikto. E Abogado General ta representá Ministerio Públiko den apelashon.
Den lèi penal kada bes mester, pa motibu di rekursonan limitá, tuma desishon, tin biaha desishonnan fèrfelu. Mester presentá e kasonan pertinente na e hues penal i mester resolvé e kaso di e manera korekto.  

Pasobra en partikular den kasonan mas pisá mas bien ta bai den apelashon, e Abogado General tin un bon bista general ofer di e práktika penal di Ministerio Públiko. For di e posishon ei, e por suministrá un aporte na e eskoho di kua kaso mester presentá na e hues penal (e aporte na e polítika) i pa resolvé e kasonan ei di e manera korekto (un aporte na e kalidat ).

Kiko ta e tarea di e Prokuardor General?

Kiko ta e tarea di e Prokuardor General?
E Prokurador General (PG) di Kòrsou, Sint Maarten i e islanan BES ta responsabel pa e polítika i maneho di Ministerio Públiko. Esei, entre otro, ta enserá: sòru pa un organisashon efektivo i efisiente, kordinashon di prioridatnan den e persekushon, duna direktivanan interno pa asina tur Fiskal, den medida ku ta posibel, lo demandá e mesun kastigunan den kasonan komparabel.

Ademas di esei, Prokurador General ta duna konsehonan pa ku legislashon ku tin keber ku persekushon penal.

Presta huramentu òf promesa?

Presta huramentu òf promesa?
Ora ku Korte, Ministerio Públiko òf un abogado yama un persona komo testigu den un kaso, e persona aki mester huramentá òf primintí di bisa bèrdat. Esaki ta konta pa e intérprete i ekspertonan.
Si akaso un hende huramentá, e persona aki miéntras e ta hisa su dos dedenan dilanti di su man drechi, mester bisa e siguiente palabranan: “Dios Todopoderoso, Yudami”.
Ora ku presta e promesa, ta bisa e siguiente palabranan: “Mi ta primintí”. E ariba menshoná ta deskribí den Título X, Artíkulo 46 di e Kódigo di Enhuisiamentu Penal.

Grado di Kastigu den un kaso penal

Grado di Kastigu den un kaso penal
Ministerio Públiko (OM) por, di akuerdo ku Artíkulo 1:11 di e Kódigo di Lèi Penal, demandá un kastigu den un kaso kontra di e sospechoso. Esaki por ta diferente tipo di kastigu. Ministerio Públiko tin e eskoho di un kastigu di prizòn (porloménos 1 dia, maksimalmente 30 añA of bida largu), un detenshon (porloménos 1 dia, maksimalmente 1 aña), un kastigu di trabou (den forma di trabou no pagá i/òf un kastigu di estudio), i un multa. Komo kastigu adishonal, Ministerio Públiko por demandá destitushon di sierto derechinan i konfiskashon di sèn i/òf otro biénes. Ministerio Públiko por skohe finalmente pa demandá un apsolushon. Alfin ta e hues ta esun ku ta disidí kua kastigu un sospechoso ta haña.

Medida di privashon di libertat

Medida di privashon di libertat
Kiko ta pasa ora un hende keda detené pa outoridat ? Polis por bai ku un persona warda di polis pa un durashon di 6 ora. Esaki yama “staande houden” i ta pa kontrolá dokumentashon, nòmber, fecha di nasementu, etc.

Despues un fiskal ousiliar, un funshonario haltu di polis, por tuma e desishon pa detené un persona pa 2 biaha 24 ora, esaki den kuadro di un investigashon. Promé ku e 2 biaha 24 ora vense e sospechoso tin ku ser presentá pa Ministerio Públiko dilanti un wes-komisario ku ta husga e detenshon miéntras ku un Fiskal ta disidí si e persona ta keda sera pa 8 dia mas pa e periodo di prolongashon di enkarselashon, esaki den kuadro di e investigashon.

Promé u e 8 dia vense mester presentá e persona atrobe dilanti un wes-komisario  pa e periodo di kustodia pa 8 dia mas. Ku Hues komisario su aprobashon ta kontinuá 8 dia atrobe pa e periodo di prolongashon di kustodia.

Den kuadro di e investigashon por ta nesesario pa sigui tene un sospechoso sera pa 60 dia pa e periodo di detenshon. Un wes-komisario ta disidí riba esaki. E periodo por keda alargá ku 30 dia pa e periodo di prolongashon di detenshon. Si ta nesesario por alargá esaki atrobe ku 30 dia.

Despues di e periodo aki e kaso mester ta kla pa bai Korte na unda hues ta disidí si un persona tin ku keda sera mas largu konforme e demanda di un Fiskal di Ministerio Públiko.

Henter e proseso aki di 6 ora, 2 biaha 24 ora, 3 biaha 8 dia, 60 dia i 2 biaha 30 dia yama na Ulandes “vrijheidsbenemende dwangmiddelen

Kiko ta un fiskal ousiliar i kiko ta su funshon?

Un fiskal ousiliar ta un polis ku un rango haltu denter di kuerpo polisial ku un estudio spesial i ku kompetensianan spesial ku serka e rastreo i persekushon tin un posishon avansá di Ministerio Públiko (OM).
Pa loke ta toka kompetensianan, un fiskal ousiliar ta pará entre polis i e Fiskal.

Tempel 261012 006.jpg
Tempel 261012 011.jpg
SXM-05
BES-04
Tempel 261012 004.jpg