Openbaar Ministerie-Curacao-Sint Maarten-BES Islands

BES

Krimindalidat di hòben tin atenshon konstante di Ministerio Públiko BES i ta pertenesé na e temanan di prioridat mas importante.

E énfasis ta riba prevení ku delinkuensianan ku ta kuminsa na yòn ta desemboká den un karera kriminal duradero.

Na Boneiru a skohe, na kuminsamentu di 2010, pa un enfoke miltidisiplinario i pro-aktivo pa prevení i kombatí kriminalidat di hòben. Esaki a resultá den e establesementu di e deliberashon di kasonan di hòben. Pasombra tin bista riba e base di delinkuensia, e partido mas ábil por bin den akshon di un manera dirigí na midi, teniendo kuenta ku eventual negligensha, falta na edukashon adekuá i faltamentu di skol. A skibi un plan di proyekto pa ku esaki (e supuesto "Intervenshon di kriminalidat di hòben modèl 3") i a kaba di prosedé ku partner nan den kadena.

E proyekto a wòrdu presentá ofisialmente na prensa na 2010 huntu ku Gezaghebber i hendenan ku no tabata na altura. Banda di e trayektonan kovenshonal, na Boneiru tin e kos ku yama ‘HALT’ pa e hòbennan ku ta bini na konsiderashon pa esei. Despues di 10-10-10 e deliberashon di kasonan di hòbennan a wòrdu implementá na Saba i Sint Eustatius tambe.

Por persiguí i kondená hòbennan for di nan 12 aña di edat pa echonan kastigabel kometé dor di nan. E énfasis serka e persekushon ta riba kambio di komportashon i prevení ku un hòben ta sigui hundi su mes mas. Serka hòbennan di riesgo, ayudo i tratamentu obligá ta e kosnan prinsipal. 

Pa hòbennan bou di 12 aña di edat esaki no kemen ku nan por kometé echonan kastigabel sin estorbo. Si tin keustion di komportashon ku ta desvía seriamente, e ora ei por disidí pa ayudo òf hasta alokashon pafó di kas obligá dor di e empeño di medidanan sivil.

Pa hòbennan 16 aña pariba – si e gravedat di e echo kastigabel i e persona di e menor ta indiká esei -  por husa e lèi penal di adultonan, ku ta konosé kondenanan hopi mas pisá ku e lèi penal di hòbennan.

Pa yega na e reakshon penal mas adekuá pa menornan di edat, ta palabrá tur kaso di menornan di edat ku polis i Voogdijraad. Denter di e palabrashon aki ta palabrá tur mèldu di faltamentu of yegamentu lat di skol ku e leerplichtambtenaar, pasombra faltamentu di skol tambe por generá echonan kastigabel.

Dependiendo riba e gravedat di e echo i e persona di e menor por disidí pa persiguí e hòben i tresé dilanti di hues. E hues ta disidí tokante di e kondena ku mester wòrdu duná i e menor ta haña un apuntashon riba su karchi di kastigu.


Pa e kasonan menos grave, e fiskal por hasi un oferta na e menor  pa sigui un entrenamentu, hasi un servisio (un kastigu di trabou), i/òf sigui instrukshonnan di reclassering pa hòben. Esaki yama un sepot kondishonal. Si e hòben ta korespondé na e kondishonnan, e kaso lo no wòrdu tresé dilanti di hues. E hòben lo haña un anotashon riba su karchi di kastigu.

Pa e echonan kastigabel menos grave por wòrdu skohé pa un despacho ku yama  HALT. E hòben mester sigui un entrenamentu kortiku òf hasi trabou pa komunidat pa un kantidat di ora limitá. Tin biaha e despacho por konsistí di skibimentu di un karta pa pidi despensa òf traha un obra. Si e hòben kaba e tarea bon, e ora ei e kaso enal a wòrdu despachá i e menor no ta haña un anotashon riba su karchi di kastigu.

E parti di hòbennan di e kantidat total di sospechosonan registrá na e parkèt di Boneiru a baha di 14% na 2009 pa 10% na 2010 i al final pa 8% na 2011.   Na Saba e porsentahe aki tabata 2% na 2011 i na Sint Eustatius e tabata 6%.

Ministerio Públiko di islanan BES lo sigui duna direkshon na e struktura di e palabarashon di kasonan d hòbennan i e tareanan i responsabilidatnan di e partnernan hustisial ku ta partisipá. 

Ademas di esei, Ministerio Públiko di e islanan BES ta fortalesé su mes pa un proyekto pa loke ta toka mantenshon di e Lèi di Leerplicht BES bou di direkshon di gobiernu lokal. Ministerio Públiko, den 2013, ta hasi e tema aki komo un punto di agènda figo denter di e dialógo ku e tres partidonan (e Driehoeksoverleg) pa realisá e polítika, prioridat i un mihó mantenshon."

BES-03
BES-09
BES-07
Tempel 261012 004.jpg
Tempel 261012 005.jpg