Openbaar Ministerie-Curacao-Sint Maarten-BES Islands

BES

Trata di hende hopi biaha ta un forma di sklabitut moderno. Pa e rason ei, na Ulanda a invertí hopi den pasado resiente pa ku e aserkamentu di e tipo di kriminalidat aki, ku a yuda logra desmantelá varios gèng. For di 10/10/10, trafikashon di hende a ser hasí kastigabel riba e islanan BES den e Kódigo Penal BES.

For di e momentu ei, Ministerio Públiko i e Servisionan di Rastreamentu a pone hopi atenshon riba esaki, lokual ya a soru pa varios detenshon.

Mirando e echo ku e fenómeno aki ta sigui eksistí, esaki no ta basta. Lo ta bon pa desaroyá un enfoke den e siguiente añanan ku ta redusí e fenómenonan di trata i trafikashon di hende. Pa ku esei lo buska fuertemente pa kolaborashon ku partnernan den e kadena hudisial manera IND i SZW. E meta ta ku e espasio pa e sektor di trata di hende ta wòrdu kitá dor di un mix di prevenshon ehekutivo i represhon penal.

Riba e islanan BES tambe tin personanan ku ta wòrdu eksplotá di hopi manera. Nan ta, por ehèmpel, aseptá un trabou bou di pretekstonan falsu. Despues nan ta traha bou di menasa di violensia físiko i mental, òf nan ta wòrdu eksplotá finansieramente di yen di manera i ta restringí den nan libertat di moveshon. Hopi biaha ta víktimanan di otro paisnan mas pober, manera Kolombia, Perú òf Repúblika Dominikana. Generalmente ta toka personanan ku ta traha den prostitushon, pero tambe den sektornan manera hóreka, konstrukshon i trabou di kuido di kas.

Ta menshoná trata di hende hopi biaha den e mesun rosea ku trafikashon di hende, aunke ta konsiderá nan komo dos diferente delito. Ora ta trata di trafikashon di  hende, e personan ta wòrdu transportá ilegalmente tambe. Trafikashon di hende ta asistí personanan den e pasamentu di frontera ilegalmente, pero tambe e estadía òf tránsito. E trafikadónan ta yuda e hendenan, ku hopi biaha ta refugiadonan, pa pasa fronteranan internashonal dor di paga sumanan haltu i ku ayudo di dokumentonan falsu. Un diferensha ku trata di hende ta ku serka e trata di hende e eksplotashon di hende ta sentral, ora ku serka trafikashon e énfasis ta riba e trafikashon di hendenan. Hopi biaha e dos delitonan aki ta bai man den man.

Tempel 261012 008.jpg
Tempel 261012 011.jpg
SXM-04
BES-07
BES-04